Viðskiptavinir okkar fá afslátt á ýmsum öryggisvörum
Netöryggistrygging veitir fyrirtækjum tafarlausan aðgang að erlendum sérfræðingum í netöryggi og fjárhagslega vernd í kjölfar netárásar. Sérfræðingarnir eru á vakt allan sólahringinn og aðstoða við að meta stöðuna, stöðva atvikið og lágmarka tjón.
Tryggingamál getur verið flókið – en það þarf ekki að vera þannig. Til að gera þetta einfaldara og skýrara höfum við tekið saman allar helstu upplýsingar um trygginguna í upplýsingaskjal sem þú getur skoðað samhliða skilmálunum.
Viðbragð við netárás
Tryggingin veitir aðgang að sérfræðingum í netöryggi komi til netárásar sem aðstoða við rannsókn á tilurð og umfangi netárásar og jafnframt ráðgjöf um hvernig best sé að stöðva hana og lágmarka tjón.
Fyrsta viðbragð er alltaf að hringja í síma 800-4533 þar sem samstarfsaðili Varðar aðstoðar fyrirtækið. Sú aðstoð er á ensku og til staðar allan sólarhringinn.
Undir netárás fellur óheimill aðgangur þriðja aðila, eða notkun, á tölvukerfi eða gagnaeignum tryggingartaka.
Rekstrartjón
Tryggingin bætir rekstrartjón af völdum netárásar á eigin kerfi tryggðs fyrirtækis ef netárás veldur því að fyrirtækið getur ekki notað eigin tölvukerfi eða gagnaeignir.
Með rekstrartjóni er átt við tapaðan hagnað, fastan kostnað og viðbótarkostnað til að draga úr rekstrartjóni.
Ábyrgðartrygging
Trygging bætir tjón vegna skaðabótaábyrgðar eða sekta sem falla á vegna gagnaleka á viðkvæmum persónuverndarupplýsingum í vörslu tryggingartaka sem rekja má til netárásar á kerfi þess.
Trygging bætir tjón vegna skaðabótaábyrgðar sem fyrirtækið ber þriðja aðila sem rekja má til netárásar á kerfi þess.
Viðbragð við netárás
Kostnað við fyrsta viðbragð frá öðrum en viðurkenndum samstarfsaðilum Varðar nema staðfest samþykki liggi fyrir.
Rekstrartjón
Rekstrartap vegna netárásar á tölvukerfi sem ekki eru í eigu og umsjón tryggðs fyrirtækis eða samstæðu þess.
Rekstrartap sem verður á fyrstu 12 tímum netárásar og allt rekstrartap sem á sér stað 90 dögum eftir netárás.
Fjárhagstjón vegna hlutabréfa-, gjaldeyrisviðskipta eða annarra fjármálagjörninga. Þótt rekja megi tjón til netárásar.
Ábyrgðartrygging
Hvers konar líkamstjón.
Lausnargjald eða annars konar fjárkúgun.
Hvers konar tjón af völdum segulsviðs.
Netárásum fjölgar ört hér á landi og eru þær orðnar ein alvarlegasta ógn sem fyrirtæki standa frammi fyrir í dag. Á netinu skipta hvorki tími dags, tungumál né landamæri máli – árásaraðilar geta brotist inn í kerfi fyrirtækja, stolið gögnum, lamað starfsemi og ógnað bæði rekstri og viðskiptavinum.
Fyrstu mínútur eftir netárás geta skipt sköpum. Skjót og rétt viðbrögð geta dregið verulega úr tjóni og hjálpað fyrirtækjum að koma rekstri aftur í eðlilegt horf.
Tryggingin er mikilvægur þáttur í áhættustýringu fyrirtækja en kemur ekki í stað tæknilegra varna, öryggisvöktunar eða markvissrar netöryggisstjórnunar.
Netógnir hafa aukist verulega á undanförnum árum og geta haft alvarleg áhrif á rekstur fyrirtækja. Með einföldum en markvissum aðgerðum má þó draga verulega úr áhættu. Við höfum tekið saman góð ráð sem hjálpa fyrirtækjum að efla netöryggi sitt.
Netógnir koma fram á ýmsa vegu. Með því að þekkja helstu ógnir er auðveldara að taka eftir hættumerkjum og bregðast rétt við. Ásamt forvörnum höfum við tekið saman elstu svika- og árásaraðferðir sem mikilvægt er að starfsmenn fyrirtækisins þekki.
Það er mikilvægt að hafa réttar tryggingar fyrir fyrirtækið, hvort sem það á við um starfsfólkið þitt, starfsemina eða búnaðinn.
Við vinnum náið með fyrirtækjum okkar og pössum upp á það með þeim að tryggingarnar endurspegli þarfir rekstrarins á hverjum tíma. Það gerum við með því að skilja þarfir þeirra, vera til staðar og auðvelda þeim tryggingaviðskipti.
Hjá okkur starfar teymi sérfræðinga með yfirgripsmikla þekkingu á tryggingum og langa reynslu af því að greina þarfir fyrirtækja af öllum stærðum og gerðum.
