Sum­ar­hús­ið

Við viljum tryggja að sumarhúsið sé griðarstaður. Maður slakar best á þegar öryggismálin eru á hreinu og það á svo sannarlega við um sumarhúsið líka. Hvort sem húsið er í notkun eða orðið autt eftir notalega helgi þá er mikilvægt að huga vel að forvörnum til að koma í veg fyrir eða lágmarka tjón.

Fyrir veturinn

• Mikilvægt er að skrúfa fyrir inntak heita og kalda neysluvatnsins og tæma viðtengd tæki þegar húsið er yfirgefið.

• Ef bústaður er kynntur með miðstöðvarofnum er öruggast að hafa lokað hringrásarkerfi með frostlög og forhitara sem er utan aðalhúss. Alltaf skal loka fyrir inntak þegar sumarbústaður er yfirgefinn.

• Það er góð hugmynd að fylgjast með hita í bústaðnum, t.d. í gegnum app ef það er hægt, sérstaklega mikilvægt eftir mikla frostakafla og ef bústaður er í lítilli notkun.

• Gangið vel frá lausum munum og smíðaefni utandyra svo ekki verði foktjón.

Eldvarnir

• Hafið reykskynjara í sumarhúsinu líkt og á heimilum ykkar. Fjöldi þeirra fer eftir stærð hússins og gott er að eiga alltaf nokkrar rafhlöður til skiptana.

• Ef svefnloft er í húsinu þarf flóttaleið að vera greið. Er utanáliggjandi brunastigi á þínu húsi?

• Hafið duft- eða léttvatnsslökkvitæki á áberandi stað við útgang sumarhússins.

• Eldvarnarteppi er nauðsynlegt í eldhúsið.

• Ef þú ert með rafmangsofn þá þarf að passa að hylja þá ekki. Til dæmis ekki þurrka föt á þeim.

• Síðasti maður í háttinn slekkur á öllum kertum.

Grill og gas

• Hafið gasskynjara í eldhúsinu sem næst gólfi.

• Geymið gaskúta á öruggum stað, helst í þar til gerðum skápum.

• Takið gaskútinn undan grillinu þegar þið notið það, þannig er hann minna útsettur fyrir hita og fitu.

• Passið að mýsnar nagi ekki allt í sundur.

Potturinn

• Látið fagmann tengja hitastýrð blöndunartæki og tryggið þannig gæði og rétt hitastig.

• Hafið hitamæli í pottinum.

• Skiljið aldrei ung börn ein og eftirlitslaus í heitum potti og setjið alltaf öryggislok yfir hann strax eftir notkun.

• Passið að lokið á pottinum sé tryggilega fast á svo það fjúki ekki af.

Innbrot

• Lokið og læsið hurðum og gluggum tryggilega.

• Dragið fyrir glugga svo ekki sjáist inn.

• Almennt ekki geyma mikil verðmæti í sumarhúsum eða hafa þau sýnileg.

• Talið við nágranna ykkar um að fylgjast með húsum hvers annars.

• Takmarkið umferð í sumarhúsahverfum með hliði.

• Setjið upp góða lýsingu og myndvélakerfi ef það er hægt.