Öryggi á sjó skipt­ir máli

Íslendingar njóta þess í auknum mæli að sigla á skemmtibátum og stunda aðra afþreyingu á sjó. Þótt slíkar ferðir séu yfirleitt ánægjulegar geta aðstæður breyst hratt og því er mikilvægt að huga vel að öryggi áður en lagt er af stað. Góður öryggisbúnaður, skýr ferðaáætlun og aðgangur að áreiðanlegum upplýsingum geta skipt sköpum ef óvænt atvik koma upp.

Navoa er íslenskt app sem hefur verið þróað til að auka öryggi sjófarenda innan farsímasambands við Íslandsstrendur. Appið gerir notendum kleift að skrá bát sinn og vakta ferðir sínar á einfaldan hátt, auk þess sem það auðveldar miðlun upplýsinga ef aðstoðar er þörf.

Vörður er stoltur samstarfsaðili Navoa enda fara markmið okkar vel saman. Við leggjum ríka áherslu á forvarnir og aukið öryggi, og styðjum því heilshugar við verkefni sem stuðla að öruggari sjóferðum og meiri hugarró fyrir sjófarendur og aðstandendur þeirra.

Markmið Navoa er að styðja við öruggari sjóferðir og bæta samskipti milli sjófarenda, aðstandenda og viðbragðsaðila. Appið kemur ekki í stað hefðbundins björgunarbúnaðar heldur er viðbót sem getur aukið öryggi og veitt meiri hugarró fyrir eigendur skemmtibáta og fjölskyldur þeirra.

Navoa er þannig gott dæmi um hvernig íslensk nýsköpun nýtir tæknina til að stuðla að auknu öryggi á sjó og hjálpa fólki að njóta sjóferða með öruggari hætti. Með samstarfinu við Navoa vill Vörður leggja sitt af mörkum til að efla öryggi á sjó og styðja við lausnir sem geta skipt sköpum þegar á reynir.