Viðskiptavinir okkar fá afslátt á ýmsum öryggisvörum
Við viljum vera til fyrirmyndar þegar horft er til ábyrgra og arðbærra viðskiptahátta. Leiðarljós Varðar er að hafa jákvæð áhrif á hagaðila með beinum og óbeinum umhverfis- og félagslegum áhrifum, ásamt því að styðja við heimsmarkmið Sameinuðu þjóðanna.
Við hjá Verði vinnum af heilindum að sjálfbærnimálum og viljum hafa jákvæð áhrif á þróun málaflokksins út í samfélagið. Það er okkur mikilvægt að vera öðrum fyrirmynd um ábyrga viðskiptahætti sem taka mið af umhverfi, samfélagi og góðum stjórnarháttum. þannig stöndum við vörð um samfélagið.
Hlutverk Varðar sem tryggingafélags er að vera til staðar fyrir viðskiptavini okkar þegar þau þurfa á okkar þjónustu að halda. Með öflugum forvörnum sem auka öryggi viðskiptavina okkar og almennings.
Stefna Varðar er að vera til fyrirmyndar þegar horft er til ábyrgra og arðbærra viðskiptahátta sem einnig ná til umhverfis, samfélags og stjórnarhátta. Vörður vinnur af heilindum að sjálfbærnimálum með það að leiðarljósi að hafa jákvæð áhrif á hagaðila með beinum og óbeinum umhverfis- og félagslegum áhrifum af starfsemi sinni ásamt því að styðja við heimsmarkmið Sameinuðu þjóðanna.
Vörður setur sér mælanleg markmið til lengri og skemmri tíma til þess að fylgja eftir framkvæmd stefnunnar og takmarka neikvæð áhrif. Með markvissum hætti er stefnt að því að auka þekkingu starfsfólks, samstarfsaðila, birgja, viðskiptavina og annarra hagaðila á sjálfbærni. Vörður styður heimsmarkmið Sameinuðu þjóðanna, og leggur sérstaka áherslu á eftirfarandi markmið þar sem þau eiga best við kjarnastarfsemi félagsins.
Vörður setur markmið og birtir árangur hvað varðar þá þætti sem við höfum mest áhrif á með okkar starfsemi, svo sem forvarnir, tjónaviðgerðir og knýjandi samfélagsleg málefni hverju sinni. Árangur Varðar í sjálfbærnimálum er birtur árlega.
Með öflugum forvörnum eru viðskiptavinir Varðar og almenningur hvattir til að huga að heilsu sinni og vellíðan.
Undirmarkmið 3.6 felur í sér að fækka slysum í umferðinni.
Jafnrétti kynjanna er félaginu hjartans mál og mun Vörður halda áfram að vera talsmaður jafnréttis á öllum sviðum samfélagsins.
Undirmarkmið 5.1 felur í sér að öll mismunum verði afnumin alls staðar.
Vörður leggur atvinnulífinu lið með öflugum forvörnum sem tryggja góðar undirstöður atvinnu og hagvaxtar.
Undirmarkmið 8.8 felur í sér að stuðla að öruggu og tryggu vinnuumhverfi fyrir allt launafólk.
Vörður leggur áherslu á sjálfbærni í daglegum rekstri og hefur jafnframt áhrif á sína birgja í gegnum árlegt birgjamat.
Undirmarkmið 12.6 felur í sér hvatningu um sjálfbæra starfsemi og skýrslugjöf.
Stjórn Varðar leggur áherslu á góða stjórnarhætti, samkvæmt lögum um hlutafélög nr. 2/1995, lögum um vátryggingastarfsemi nr. 100/2016 og leiðbeiningum um stjórnarhætti fyrirtækja sem Viðskiptaráð Íslands, Nasdaq Iceland hf. og Samtök atvinnulífsins hafa gefið út, síðast í maí 2015.
Góðir stjórnarhættir leggja grunninn að ábyrgri stjórnun og vandaðri ákvarðanatöku og stuðla að traustum samskiptum milli hluthafa, stjórnar, stjórnenda, starfsfólks og annarra hagaðila og draga þannig úr líkum á hagsmunaárekstrum.
Vörður leggur áherslu á að halda neikvæðum umhverfisáhrifum af starfseminni í lágmarki og gætir að umhverfissjónarmiðum í tengslum við hana.
Vörður leggur að auki áherslu á ábyrg og traust samskipti við hagaðila um sjálfbærni og auknum verðmætum fyrir samfélagið.
Sem fjárfestir skal Vörður þekkja möguleg áhrif loftslagsbreytinga á eignasafn sitt og þau áhrif sem félagið getur haft á loftslagsbreytingar í gegnum það og einsetur sér að lágmarka neikvæðu áhrifin. Félagið starfar eftir alþjóðlegum viðmiðum um ábyrgar og sjálfbærar fjárfestingar.
Félagsleg sjónarmið eru höfð að leiðarljósi í allri starfsemi Varðar. Félagið virðir mannréttindi hagaðila líkt og kveðið er á um í Mannréttindasáttmála Sameinuðu þjóðanna. Gerð er sama krafa til hagaðila.
Til viðbótar við allt ofangreint starfar Vörður innan samstæðu Arion banka og á þar af leiðandi hlut að margvíslegum ráðstöfunum á samstæðugrundvelli.
Vörður er þannig bæði beinn og óbeinn þátttakandi í ýmsum markmiðum og aðgerðum sem gripið er til innan samstæðunnar, m.a. í tengslum við daglegan rekstur, starfsstöðvar, mannauðsmál, aðfangakeðju og útvistun.
At Vörður Insurance we want to do things right and make a real contribution to sustainable development and we strive to do business with suppliers who share our vision.