Viðskiptavinir okkar fá afslátt á ýmsum öryggisvörum
Vinnuvélatrygging er samsett af einni eða fleiri af eftirfarandi tryggingum: Kaskótryggingu vinnuvéla, Ábyrgðartryggingu sem tekur til skaðabótaábyrgðar utan samninga, Ábyrgðartryggingu við akstur og Brunatryggingu sem bætir skemmdir vegna bruna á vinnuvél sem tilgreind er á skírteini.
Tryggingamál getur verið flókið – en það þarf ekki að vera þannig. Til að gera þetta einfaldara og skýrara höfum við tekið saman allar helstu upplýsingar um trygginguna í upplýsingaskjal sem þú getur skoðað samhliða skilmálunum.
Kaskótrygging vinnuvéla
Tryggingin bætir tjón á tryggðri vinnuvél af völdum skyndilegra og óvæntra, utanaðkomandi atvika sem ekki eru sérstaklega undanskilin eða takmörkuð í skilmála.
Tjón á tryggðri vinnuvél vegna eldsvoða.
Tjón á tryggðri vinnuvél vegna þjófnaðar og skemmdarverka.
Tjón á tryggðri vinnuvél vegna ofsaveðurs.
Tjón á tryggðri vinnuvél vegna aur- eða vatnsflóða, skriðufalla, snjóflóða, verkfallsaðgerða eða uppþota.
Ábyrgðartrygging
Tryggingin tekur til skaðabótaábyrgðar utan samninga, sem fellur á tryggðan vegna slysa á mönnum eða skemmda á munum, vegna notkunar vinnuvélar þeirrar sem getið er í skírteini.
Ábyrgðartrygging við akstur
Tryggingin tekur til skaðabótaábyrgðar utan samninga, sem fellur á tryggðan vegna slysa á mönnum eða skemmda á munum, vegna notkunar vinnuvélar sem ökutækis.
Brunatrygging
Tryggingin bætir tjón á vinnuvélinni vegna eldsvoða, eldingar eða sprengingar sem stafar af eldsvoða.
Kaskótrygging vinnuvéla
Tjón á lakki, málningu eða ytra byrði á vinnuvél sem rýra ekki notagildi, jafnvel þótt ábyrgð framleiðanda falli niður við ákomu. Hér er t.d. átt við rispur, beyglur, höggsár, sveigju eða núningsmerki.
Þjófnað á einstökum hlutum vinnuvélar, t.d. stjórntækjum og hæðarmælum.
Skemmdir eða tjón sem verða af sliti eða ófullnægjandi viðhaldi, fúa, tæringu, málmþreytu eða sambærilegum orsökum.
Tjón sem verður vegna foks á sandi, möl eða öðrum jarðefnum.
Tjón vegna sjávarfalla.
Tjón sem eiga sér stað utan Íslands, eða í flutningi til eða frá landi.
Tjón af völdum vélarbilunar, framleiðslu- eða hönnunargalla, mistök við uppsetningu, rangri samsetningu eða annarri bilun í eða á vinnuvélinni.
Tjón sem aðeins varða hjól, hjólbarða, reimar, skriðbelti, keðjur, lyftu- eða færibönd, fjaðrir, rafgeymi og gler (annað en rúður).
Tjón á strokkum, kæli, raf- og vélarbúnaði eða öðrum hlutum vinnuvélar sem stafa af því að kælivatnið eða annað vökvakerfi frýs eða ofhitnar.
Tjón eða skemmdir sem eru á ábyrgð framleiðenda eða seljanda samkvæmt lögum eða samningum.
Ábyrgðartrygging
Skaðabótaskylt tjónsatvik vegna notkunar vinnuvélar sem ökutækis í almennri umferð.
Skemmdir eða glötun muna sem tryggður eða stjórnandi á einn eða með öðrum.
Víðtækari ábyrgð en venjuleg skaðabótaskylda utan samninga.
Tjón á munum sem tryggður hefur að láni, á leigu, til geymslu, sölu eða flutnings eða eru af öðrum ástæðum í hans vörslu. Þar á meðal munir sem tryggður hefur tekið í heimildarleysi.
Tjón sem hlýst af því að söluvara berst viðtakanda ekki eða ekki í tæka tíð.
Tjón sem starfsábyrgðartrygging tekur til, hvort sem hún er fyrir hendi eða ekki.
Tjón af völdum kjarnorku eða geislavirkra efna.
Beint og óbeint tjón af völdum asbest (asbestos) eða efnis sem inniheldur að einhverju leyti asbest.
Mengunartjón nema rekja megi það til eins skyndilegs og óvænts atburðar sem ekki var unninn af ásetningi eða stórkostlegu gáleysi.
Tjón við jarðgangagerð og námuvinnslu.
Tjón við áfyllingu flugeldsneytis.
Tjón vegna notkunar vinnuvélar á flugvöllum og flugbrautum.
Ábyrgðartrygging við akstur
Tryggingin bætir ekki tjón sem eru undanskilin í Ábyrgðartryggingu, en undanskilur ekki skaðabótaskyld tjónsatvik vegna notkunar vinnuvélar sem ökutækis í almennri umferð.
Brunatrygging
Trygging bætir ekki tjón nema eldur sé laus. Það telst ekki eldsvoði þegar hlutir sviðna eða bráðna ef eldur er ekki laus.
Hjá okkur starfar teymi sérfræðinga með yfirgripsmikla þekkingu á tryggingum og langa reynslu af því að greina þarfir fyrirtækja af öllum stærðum og gerðum.
Það er mikilvægt að hafa réttar tryggingar fyrir fyrirtækið, hvort sem það á við um starfsfólkið þitt, starfsemina eða búnaðinn.
Við vinnum náið með fyrirtækjum okkar og pössum upp á það með þeim að tryggingarnar endurspegli þarfir rekstrarins á hverjum tíma. Það gerum við með því að skilja þarfir þeirra, vera til staðar og auðvelda þeim tryggingaviðskipti.