Upplýsingar og næstu skref vegna ökutækjatjóns
Viðskiptavinir okkar fá afslátt af ýmsum öryggisvörum
Við erum til staðar þegar þú þarft á tryggingum að halda.
Hér eru upplýsingar um verkstæði sem eru með samning við félagið og hægt er að velja úr til að láta gera við ökutækið.
Hafðu samband við verkstæðið sem þú velur til að fá tíma fyrir viðgerðarmat. Verkstæðið skoðar tjónið, tekur myndir, gerir viðgerðarmat og sendir Verði til samþykkis. Verkstæðið sér svo um að gefa þér tíma í viðgerð.
Þeir sem lenda í tjóni hafa val um að:
Fá bílaleigubíl í eðlilegan viðgerðartíma* í samráði við okkur. Vörður greiðir bílaleigubíl í A flokki á meðan viðgerð stendur. Verkstæði geta séð um að útvega bílaleigubíl. Upplýsingar um bílaleigur með samninga við okkur má finna hér.
Fá greiddan afnotamissi kr. 5000 á dag fyrir eðlilegum viðgerðartíma*. Kjósir þú að fá greiddan afnotamissi sendu þá tölvupóst á netfangið tjon@vordur.is þegar viðgerð er lokið en þá liggur fyrir endanlegur fjöldi daga sem bíllinn var á verkstæði og upphæðin reiknuð út frá því.
Óskir þú eftir að fá greiddar bætur fyrir tjónið í stað þess að láta gera við ökutækið þarftu að fara með það á verkstæði og láta meta umfang tjónsins. Mikilvægt er að þú upplýsir verkstæðið um að ekki sé óskað eftir viðgerð þannig að varahlutapöntun fari ekki af stað.
Þegar tjónamat berst verður tjónamatsmaður félagsins í sambandi við þig eða þú getur sent fyrirspurn á netfangið tjon@vordur.is eða í síma 514 1000. Hér eru upplýsingar um viðurkennd verkstæði sem hægt er að velja úr.
Bílar sem eru með veðböndum eða í eigu lánastofnunar þurfa að fá heimild frá veðhafa til þess að fá tjónið greitt út, sé bíllinn í eigu lánastofnunar greiðast bæturnar til þeirra nema viðkomandi lánastofnun heimili annað.
Ef ökutæki þitt var óökufært og flutt af vettvangi, vinsamlegast hafðu samband við tjónamatsmenn okkar í síma 514-1000 eða netfangið tjon@vordur.is. Þeir munu skoða bílinn við fyrsta tækifæri og vera í sambandi við þig um framhaldið.
*Eðlilegur viðgerðartími fer eftir umfangi tjónsins. Eðlileg bið eftir varahlutum getur verið allt að 14 dagar. Þér er velkomið að hafa samband ef eitthvað er óljóst í síma 514 1000 eða netfangið tjon@vordur.is.
** Bílar sem eru með veðböndum eða í eigu lánastofnunar þurfa að fá heimild frá veðhafa til þess að fá tjónið greitt út, sé bíllinn í eigu lánastofnunar greiðast bæturnar til þeirra nema viðkomandi lánastofnun heimili annað.