Læknisaðstoð erlendis - Hvert á að leita?
Ef alvarlegt slys eða veikindi koma upp erlendis getur staðan orðið flókin og kostnaðarsöm. Með því að hafa samband við SOS International færðu faglega aðstoð strax og tryggt er að mál séu rétt unnin í samræmi við tryggingavernd þína. Margir Íslendingar hafa aðgang að þjónustunni í gegnum ferðatryggingar eða kreditkort.
Hvað er SOS International?
SOS International er alþjóðlegt neyðarþjónustufyrirtæki sem veitir aðstoð við slys, veikindi og önnur alvarleg atvik, einkum þegar fólk er statt erlendis. Fyrirtækið hefur starfað frá árinu 1961 og vinnur náið með tryggingafélögum, bönkum og kreditkortafyrirtækjum. Þjónustan er í boði allan sólarhringinn, alla daga ársins. SOS International aðstoðar meðal annars við:
samskipti við sjúkrahús og heilbrigðisstarfsfólk
staðfestingu á ferðatryggingum
ráðgjöf, sjúkraflutninga og heimflutning ef þörf krefur
Einnig býður SOS International upp á Find Care þjónustu, þar sem hægt er að finna næstu heilsugæslu eða sjúkrahús sem viðurkennd er af SOS, miðað við staðsetningu þína.
Neyðarsími Varðar er opinn allan sólarhringinn alla daga ársins, +354 514 1099
Deila grein:
