Vörður styrk­ir Kvenna­at­hvarfið

Vörður hefur gert styrktarsamning við Kvennaathvarfið næstu þrjú árin. Styrkurinn er liður í þeirri vegferð sem Vörður hefur verið á, þar sem aukin áhersla hefur verið lögð á velferð, öryggi og stuðning fyrir fólk í aðstæðum sem ekki hafa áður notið tryggingarverndar á Íslandi.

Má þar nefna neyðaraðstoð fyrir þolendur ofbeldis í nánum samböndum sem bætt var við hefðbundnar heimilistryggingar í fyrra og innleiðingu stuðningsleyfis fyrir starfsfólk sem glímir við erfiðar aðstæður vegna ofbeldis sem nýverið varð hluti af slysatryggingum launþega.

Kvennaathvarfið sinnir mikilvægu hlutverki í íslensku samfélagi með því að veita konum og börnum sem þurfa að flýja heimili sín vegna ofbeldis skjól, ráðgjöf og stuðning. Með stuðningnum vill Vörður leggja sitt af mörkum til þess mikilvæga starfs og styðja við það öryggisnet sem Kvennaathvarfið veitir.

Samstarfið endurspeglar þá sýn Varðar að samfélagsleg ábyrgð felist ekki aðeins í orðum heldur einnig í markvissum aðgerðum sem geta skipt raunverulegu máli þegar mest á reynir.