Vörður og Arion banki semja við Knatt­spyrnu­deild Kefla­vík­ur

Arion banki og Vörður hafa undirritað samstarfssamning við knattspyrnudeild Keflavíkur. Með samningnum vill Arion styðja við öflugt íþróttastarf á Suðurnesjum, en Arion banki og Vörður opnuðu nýlega nýtt útibú á Aðaltorgi í Reykjanesbæ þann 5. maí síðastliðinn.

Samningurinn felur í sér að merki Arion banka verður sýnilegt á búningum meistaraflokka Keflavíkur auk þess sem bæði Arion banki og Vörður verða með merkingar á knattspyrnuvelli félagsins.

„Við hlökkum til þess að hefja samstarf við Knattspyrnudeild Keflavíkur og vera sýnilegri þátttakendur í öflugu samfélagi á Suðurnesjum,“ segir Einar Hannesson, svæðisstjóri einstaklinga í útibúi Arion banka.

Böðvar Jónsson formaður knattspyrnudeildar Keflavíkur segir samninginn mikilvægan fyrir starf deildarinnar. „Stuðningur sem þessi skiptir miklu máli fyrir áframhaldandi uppbyggingu og metnað í íþróttastarfinu.“

Karlalið Keflavíkur vann sér sæti í Bestu deildinni á síðasta tímabili og keppir því meðal efstu liða landsins í sumar. Kvennaliðið leikur í Lengjudeildinni.